номаҳо
Амале, ки дар ду дунё подоши бузург дорад
Мо, насли калонсол, аз китобхонаҳои деҳот бисёр хуб баҳравар мешудем. Туфайли он ба илму адабиёти кишвару ҷаҳон ошноӣ пайдо мекардем. Пайваста китобҳои тозанашру матбуоти давриро дастрас менамудем.
Мутаассифона, маъракаи ғайридавлатикунонӣ баҳона гардиду ба фурӯхтани биноҳои китобхонаҳо даст заданд. Ҳазорон нусхаи китобҳои муҳим бе ному нишон шуданд. Ва то ба имрӯз барои ин амалҳои ғайриқонунӣ масъулон аз касе ҷавоб талаб намекунанд. Таъсири манфии он, албатта, аз ҳама бештар ба насли наврас расидааст. Дар натиҷа муҳаббат ба китобу матбуоти даврӣ аз байн рафт. Ба адабиёти тозанашр таваҷҷӯҳ дода намешавад. Ба хондану доштани рӯзномаву маҷаллаҳо мисли солҳои пешин эътибор намедиҳанд.
Чандин сол боз биноҳои боҳашамат аз ҷониби аҳли сарват сохта мешаванд. Магар имкон надорад, ки ин гурӯҳро ба бунёди як китобхона ташвиқ кунанд? Ин амал дар ҳар ду дунё подоши бузург дорад.
Қ. АМИРХОНОВ,
ноҳияи Восеъ
Баёни ақида (0) Санаи нашр: №: Мутолиа карданд: 3656
