номаҳо
Бояд забони Сарвари давлат забони меъёр муқаррар гардад
Пайваста баромаду сӯҳбату суханронии Президенти кишвар мӯҳтарам Эмомалӣ Раҳмонро аз тариқи телевизион гӯш мекунам. Ва ҳам дар рӯзномаи «Ҷумҳурият» онҳоро мутолиа менамоям. Забони Сарвари давлат бисёр ширин, фаҳмо ва пурмаъно аст. Аз калимаҳои душворфаҳм истифода намекунад. Задаҳои мантиқиро дар ҷояш мегузорад.
Ифтихорам боз аз он аст, ки бо забони нобу шоирона дар минбарҳои баланди кишварҳои хориҷӣ сухан мегӯяду маърӯза менамояд. Дар талаффузи ягон калимаву ибора душворӣ намекашад. Овозаш ҳам фораму дилрас аст.
Шояд бархе бигӯянд, ки бояд Сарвари давлат чунин бошад. Оре, Эмомалӣ Раҳмон дар ин маврид намунаи беҳтарин маҳсуб меёбад. Аммо ба хотир биёрем, ки роҳбарони пеш аз ӯ бо чӣ гуна забони махлуту нофаҳмо сухан мекарданд.
Муроди ман он аст, ки бояд забони Сардори давлат забони меъёр муқаррар гардад ва мо аз ӯ навиштану гуфтанро биёмӯзем.
Рӯзномаву маҷаллаҳои кишварро доимо мехонам.
Бисёре аз муаллифон ба хотири худнамоӣ ва нишон додани донишашон аз калимаву ибораҳои душворфаҳми арабӣ истифода мебаранд. Кош он ҳамаро дурусту дар мавқеаш биёранд...
Яҳёхони ТУРСУНЗОДА,
шаҳри Исфара
Баёни ақида (0) Санаи нашр: №: Мутолиа карданд: 3592
