номаҳо
Зиндагии солим. Онро чӣ гуна ба мактабиён
омӯзонем?
Имрӯз насли наврас аз иттилооти судманд дида бештар ба итилооти зиёновару носолим таваҷҷӯҳ дорад. Кам шудани шарму ҳаё, авҷ гирифтани бераҳмию бемеҳрӣ, тиҷорати шаҳвонӣ (танфурӯшӣ) ва бетафовутии атрофиён нисбат ба ин рафторҳои носавоб, таблиғу ташвиқи филмҳои зӯровариву фаҳш ва ғайраву ҳоказо нишонаҳои асосии косташавии ахлоқи ҷомеа мебошад.
Агар хоҳем, ки насли наврасро солиму бардам ва маърифати кофии тиббидошта дарёбем, ташвиқу тарғиби тарзи солими зиндагиро барои онҳо бояд ҷиддӣ ба роҳ монем. Яъне Вазорати маорифро лозим аст, ки барои баланд бардоштани маърифати тиббию беҳдоштӣ барномаҳои махсуси омӯзиширо ба унвони "Тарзи солими зиндагӣ" бо назардошти паҳлуҳои фарҳанги миллӣ ва ахлоқи исломӣ, алалхусус мазҳаби Имоми Аъзам ба роҳ монад. Омӯзиши ин фан на ба шакли дарсҳои беруназсинфӣ ё факултативӣ, балки ҳамчун дарси асосии таълимӣ сурат гирад. Дар мактабҳои як қатор давлатҳои Аврупо ин фанро дар омехтагӣ, яъне дар таркиби фанҳои гуногун, аз қабили биология, тарбияи ҷисмонӣ, физиология, адабиёт меомӯзанд. Ба андешаи ман ин фанро дар кишварамон барои 5 - 6 сол дар алоҳидагӣ ба роҳ мондан зарур аст. Баъдтар омӯзиши онро дар таркиби дигар фанҳо метавон ҷорӣ кард.
Зиё РАҲМОН,
номзади илмҳои биологӣ, муовини сардори Маркази ҷумҳуриявии ташаккули тарзи ҳаёти солими Вазорати тандурустии ҷумҳурӣ
Баёни ақида (0) Санаи нашр: №: Мутолиа карданд: 3672