қарорҳои ҳукумат
Қарори
Ҳукумати Ҷумҳурии Тоҷикистон
аз 4 феврали соли 2011, № 33, ш. Душанбе
Дар бораи муттаҳид намудани Институти
демографияи Академияи илмҳои Ҷумҳурии
Тоҷикистон бо Институти иқтисодиёти Академияи илмҳои Ҷумҳурии Тоҷикистон
Мувофиқи моддаи 58 Кодекси граждании Ҷумҳурии Тоҷикистон, моддаи 5 Қонуни Ҷумҳурии Тоҷикистон "Дар бораи илм ва сиёсати давлатӣ оид ба илму техника" ва бо мақсади таҷдиди сохторию идории Академияи илмҳои Ҷумҳурии Тоҷикистон Ҳукумати Ҷумҳурии Тоҷикистон қарор мекунад:
1) Институти демографияи Академияи илмҳои Ҷумҳурии Тоҷикистон бо Институти иқтисодиёти Академияи илмҳои Ҷумҳурии Тоҷикистон муттаҳид карда шуда, минбаъд Институти иқтисодиёт ва демографияи Академияи илмҳои Ҷумҳурии Тоҷикистон номгузорӣ карда шавад.
2) Дар назди Академияи илмҳои Ҷумҳурии Тоҷикистон барои муттаҳид намудани Институти демографияи Академияи илмҳои Ҷумҳурии Тоҷикистон бо Институти иқтисодиёти Академияи илмҳои Ҷумҳурии Тоҷикистон комиссия таъсис дода шавад.
3) Институти иқтисодиёт ва демографияи Академияи илмҳои Ҷумҳурии Тоҷикистон вориси ҳуқуқии Институти демографияи Академияи илмҳои Ҷумҳурии Тоҷикистон ва Институти иқтисодиёти Академияи илмҳои Ҷумҳурии Тоҷикистон дониста шавад.
4) Академияи илмҳои Ҷумҳурии Тоҷикистон масъалаҳои ташкилӣ ва ҳуқуқии марбут ба Институти иқтисодиёт ва демографияи Академияи илмҳои Ҷумҳурии Тоҷикистонро ҳал намояд.
Раиси
Ҳукумати Ҷумҳурии Тоҷикистон Эмомалӣ РАҲМОН
Баёни ақида (0) Санаи нашр: №: Мутолиа карданд: 2789
