номаҳо
Замини наздиҳавлигӣ пешниҳод шуда буд…
Маъмурияти Ҷамоати деҳоти Коммунизми шаҳри Истаравшан навиштаи Қосим Шарифовро бо номи «Шояд дасти мадад дароз бинамоянд?» мавриди баррасӣ қарор дод.
Дар бораи таъмин намудани фарзанди ӯ Насим Шарифов бо замини наздиҳавлигӣ мактуби маъмурияти қисми низомии 07017-и шаҳри Қӯрғонтеппа (аз 28 январи соли 2006) расида буд. Дар асоси ин мактуб мо номи ӯро дар навбат навиштем. Ва ҳамон вақт, яъне то 1 январи соли 2007 ба Қосим Шарифов замини наздиҳавлигӣ пешниҳод гардид. Аммо ӯ талаб намуд, ки аз майдони тутзор, заминҳои маркази деҳа ва ё назди роҳи мошингард заминаш бидиҳем. Ва, албатта, мо чунин имконро надоштем.
Ҷудо намудани 65 гектар барои фонди манзил дар нақша аст. Мо дар ин сурат, яъне баъди додани иҷозат ва баровардани қарор, имкон дорем, ки ба фарзанди муаллифи нома замини наздиҳавлигӣ бидиҳем. Аз ин мо онҳоро огоҳ кардаем.
И. АБДУЛЛОЕВ,
раиси Ҷамоати деҳоти Коммунизми
шаҳри Истаравшан
Баёни ақида (0) Санаи нашр: №: Мутолиа карданд: 4867
