номаҳо
Китобҳои дарсӣ ниёз ба таҳрир доранд
Дар китобҳои дарсии мактабҳои таҳсилоти умумӣ бисёр калимаву ибораҳои душворфаҳме истифода гардидаанд, ки на танҳо шогирдон, балки устодон низ бе ёрии луғату фарҳанг ба маънои онҳо сарфаҳм намераванд. Баъзе аз калимаву ибораҳо шарҳ дода шудаанд. Аммо аксари онҳо ба шарҳи дуруст ниёз доранд.
Фикр мекунам, ки забони китобҳои дарсӣ бояд содаву равон бошад. Агар калимаҳои нобу шевои тоҷикӣ истифода гарданд, ба манфиат хоҳад буд. Бо ин роҳ мо дар рушду нумӯи забонамон саҳм гирифта метавонем.
Ба ҷуз ин баъзе аз китобҳои фанҳои дақиқ ниёз ба таҳрир доранд. Калимаву ибораҳои он агарчи фаҳмо аст, аммо мақсад фаҳмо нест. Яъне дар ин китобҳо махсусан бояд баёни машқу масъалаҳо рӯшану ҳадафрас бошад.
Сари ин масъалаҳо масъулон бояд андешанд ва дар нашрҳои минбаъда камбудиҳои ҷойдоштаро рафъ намоянд.
Алифшо ШОАЛИФЗОДА,
омӯзгори мактаби таҳсилоти умумии рақами 23-и ноҳияи Ишкошим
Баёни ақида (0) Санаи нашр: №: Мутолиа карданд: 3967
