номаҳо
Чӣ бояд кард?
Таҳаммул?!
Худо накунад!
Тибқи муқаррароти Қонуни Ҷумҳурии Тоҷикистон "Дар бораи забони давлатии Ҷумҳурии Тоҷикистон" яке аз шартҳои қабул ба вазифаҳои давлатӣ донистани забони давлатӣ маҳсуб меёбад. Мутаассифона, ин шарт ҳанӯз ҳам ба таври бояду шояд ба инобат гирифта нашудааст.
Барои исботи он иштирок дар маҷлисҳои шаҳру ноҳия ва муассисаҳову корхонаҳо кофист. Бархе аз роҳбарон мақсадашонро дурусту пурра ба ин забон баён карда наметавонанд. Бо шева гап мезананд. Дар гуфторашон калимаҳои ночаспони русиву ӯзбекӣ бисёр роҳ меёбанд. Бо ин ҳол намедонам онҳо чӣ гуна намунаи дигарон шуда метавонанд. Вақте ки суханронии як роҳбарро дидаму шунидам, ба ростӣ, дилам аз ӯ ва инчунин роҳбарӣ монд.
Аввал мепиндоштам, ки ин хидматчиёни давлатӣ дар доираи фаҳмиши мардуми шаҳру ноҳияҳои муайян сухан меронанду суҳбат мекунанд. Аммо ин "бечорагон" дар радиову телевизионҳои ҷумҳурӣ ҳам ба шева суҳбат менамоянд.
Гап сари он аст, ки онҳо иҷрои Қонуни забонро дар кишвар зери шубҳа қарор медиҳанд. Пас чӣ бояд кард? Таҳаммул?! Худо накунад!
М. РАСУЛОВ,
шаҳри Чкалов
Баёни ақида (0) Санаи нашр: 4.02.12 №: 17 Мутолиа карданд: 4380
