номаҳо
То нурии
минералӣ
ба ҳама
дастрас бошад
Инак, мавсими кишту кор фаро расид. Медонем, ки аз ҳар як рӯзи баҳор, хоса рӯзҳои офтобии он, бояд самаранок истифода бибарем. Ин мақоли мардумӣ дурусту санҷидааст, ки "Як рӯзи баҳор пур кунад анбор". Ҷойи таассуф мебошад, ки чанде аз ин гуна рӯзҳоро беҳуда пушти сар намудем. Яъне заминамонро сари вақт шудгор накардем. Сабаб дастрас нашудани нуриҳои минералӣ буд. Сол ба сол нархи онро ба боло мебаранд. Тоҷирон хуб медонанд, ки мо дар мавсими кишту кор онро ба ҳар гуна нарх, агарчи гарон бошад ҳам, ҳатман мехарем. Аммо харидани он махсусан ба деҳқононе, ки замини кам доранду имконияти маҳдуди молӣ, албатта, осон нест. Аз ин рӯ пешниҳод мекунам, ки барои овардану фурӯшу тақсими ин навъ нуриҳо дар кишвар ширкат ё идорае таъсис ёбад. Дар ин сурат нарх ба ҷараёни мувофиқ медарояд, назорат аз болои он осон мегардад, барои даҳҳо нафар ҷойи кор пайдо мешавад. Ба ҷуз ин деҳқонон имкон меёбанд, ки то фурӯши маҳсулоти хоҷагияшону пайдо кардани маблағ нуриро аз тариқи қарз низ бигиранд.
Н. АМИНОВ,
ноҳияи Восеъ
Баёни ақида (0) Санаи нашр: 17.04.12 №: 47-48 Мутолиа карданд: 4344
