номаҳо
Чаро нархҳоро
назорат намебаранд?
Чанд соли охир Сардори давлат барои беҳтар намудани сатҳи зиндагии мардум бо Паём ба Маҷлиси Олии Ҷумҳурии Тоҷикистон дастур медиҳанд, ки музди меҳнат зиёд карда шавад. Марҳалаи зиёдшавии музди меҳнат бошад, аз 1 сентябр амалӣ мегардад. Аммо нархҳои аксари маҳсулоти дохилиро дар баробари шунидани Паём фурӯшандагон дарҳол боло мекунанд. Яъне аз нимаи дуюми моҳи апрел маҳсулотро бо нархи наву гарон мехарем. Сухан дар ин маврид ба онҳо беҳуда аст, таъсире надорад, ҳазору як сабаб пеш меоранд. Ва ин ҳама дар суратест, ки дар Паём омадааст: «Лозим ба ёдоварист, ки аз соли 2000-ум то ба имрӯз маҷмӯи маҳсулоти дохилӣ 2,3 баробар афзуда, рушди солонаи он ба ҳисоби миёна беш аз 7 фоизро ташкил намуд, ки дар натиҷа маҷмӯи маҳсулоти дохилӣ ба ҳар сари аҳолӣ 5,3 баробар зиёд гардид».
Воқеан, дар кишвар нархҳоро бе ҳеҷ асос, худсарона дар идҳои Рамазону Қурбон низ боло мебаранд. Чаро? Чунки, фикр мекунам, назорат нест. Ва ин то ба кай идома меёбад?
М. РАСУЛОВ,
шаҳри Чкалов
Баёни ақида (0) Санаи нашр: 22.05.12 №: 65 Мутолиа карданд: 4513
