номаҳо
Муроди ман
ҳалли масъала мебошад
Дарди по ин бор шиддат гирифт. Хаёлан ба ҳамаи навъи табобат, агарчи ҷарроҳӣ ҳам бошад, розӣ шудам. Аммо чун нархи як давраи табобатро бо гузаронидани амалиёти ҷарроҳӣ шунидам, раъйамро дигар кардам. Гуфтам, ки то фаро расидани марг ба ин дард тоб меорам. Охир ман дар ҳеҷ сурат 4,5 ҳазор доллари амрикоӣ пайдо карда наметавонистам. Пештар аз ин барои ҷарроҳии дил табибон 7 ҳазор доллар талаб намуда буданд. Ҳамаи чораҳоро андешидам, вале ҳатто даҳяки ин маблағ ҷамъ нагардид.
Бо ин дардҳову нодорӣ намедонам, ки чӣ кор кунам. Бо навиштани ин нома аз касе мадад намехоҳам, дар вуҷудам, ки хӯи гадоӣ нест. Муроди ман ҳалли масъалаи мавҷуда аст. Сол ба сол он мураккабтар мегардад ва нархҳои табобат низ болотар мераванд. Бо ин ҳол мардуми одӣ бояд чӣ кор кунад? Вазъи мавҷуда оё дар табиати ҳаммиллатони нодорамон гадоиро ба вуҷуд намеорад? Ва оқибати он магар бад нест?
Кӣ моро бояд бишнаваду тадбир бияндешад?
Б. САТТОРОВА,
шаҳри Душанбе
Баёни ақида (0) Санаи нашр: 22.05.12 №: 65 Мутолиа карданд: 4967
