барқияҳо
6 июн Осиф Алӣ Зардорӣ, Президенти Ҷумҳурии Исломии Покистон, ба Эмомалӣ Раҳмон, Президенти Ҷумҳурии Тоҷикистон, барқияи шодбош ирсол намуд, ки дар он чунин омадааст:
Бародари муҳтарам Эмомалӣ Раҳмон,
Аз номи Ҳукумати Покистон ва шахсан аз номи худам бо камоли мамнуният ва аз таҳти дил Ҳукумати Тоҷикистон ва мардуми тоҷикро бо бистсолагии барқароршавии муносибатҳои дипломатӣ сидқан табрик мегӯям.
Аз давраи қадим давлатҳои мо муносибатҳои хуби фарҳангӣ доранд. Шоирону нависандагони мо дар ҳар ду давлат машҳуранд. Корҳои шоистаи онҳо мардуми ду давлатро боз ҳам ба ҳам наздиктар месозад.
Аз рӯзи барқароршавии муносибатҳои дипломатӣ байни ду давлат аз 6 июни соли 1992 таҳти роҳбарии Шумо муносибатҳои мо дар соҳаҳои гуногун бемайлон тараққӣ карда истодаанд. Maн аз иштироки Шумо дар ифтитоҳи бахши Бонки миллии Покистон дар Душанбе бисёр миннатдор ҳастам. Бонк барои рушди муносибатҳои иқтисодии мо мусоидат хоҳад кард.
Умедворам Шуморо дар охири соли ҷорӣ дар Исломобод дар вохӯрии чорҷониба пазироӣ бикунам. Сафари Шумо ба Покистон боз такони хуб барои рушди бардавоми муносибатҳои мо хоҳад шуд.
Бисёр шод аз онам, ки муносибатҳои сиёсӣ, иқтисодӣ, ҳарбӣ ва амниятии мо рӯз ба рӯз рушд ёфта истодаанд. Бартараф шудани мушкилиҳои раводид мардуми ду кишварро ба ҳам наздик месозад ва туризм ҳам рушд хоҳад кард. Дар ояндаи наздик парвозҳои мустақим дар нақша ҳастанд ва тараққиёти роҳҳои мошингард ва роҳи оҳан низ дар мадди назар мебошанд.
Меҳмондории гарму самимии Шумо, Ҳукумати Тоҷикистон ва мардуми он ҳангоми сафари мо ба мамлакати зебои Шумо ҳамеша дар хотири ман хоҳад монд. Ҳангоми ин сафар якчанд масъалаҳои муҳим барои тараққиёти ояндаи муносибатҳои дуҷониба баррасӣ шудаанд.
Бародари азиз, барои Шумо ва мардуми Тоҷикистон саломатии бардавом, хушнудиву пирӯзӣ ва муваффақият хоҳонем.
Ман ин фурсатро ҷиҳати таҷдиди ғояти эҳтиром ба Шумо, бародари муҳтарам, ғанимат медонам.
Баёни ақида (0) Санаи нашр: 9.06.12 №: 72 Мутолиа карданд: 3392
