номаҳо
Дар "Азиза" равғани палма
"Азиза" номи конфет аст, конфети ватанӣ. Инро шумо метавонед аз коғазпечи рӯи он мутолиа намоед. Дар он навишта шудааст: "Азиза konfeti". "Азиза" шакли зебо дорад, вале аз хӯрдани ин конфет шояд пушаймон гардед. Ман, албатта, аз таҷрибаи худ мегӯям. Ва баъд ҳатман мехоҳед фаҳмед, ки таркиби ин конфет аз чӣ иборат аст. Дар рӯи коғазпечи он навиштаанд: "ТАРКИБАШБА РАВҒАНИ ПАЛМА. КАКАО ЭСЕНСИА ШОКОЛАДИ ЖУМХУРИ ТОЖИКИСТОН. НОҲИЯИ ТУСРУНЗОДА (НА ТУРСУНЗОДА) ЖАМОАТИ "1 МАЙ". МАХАЛАИ, КОМУНА. КОДИРОВА АНОРА. ГОСТ. 143168".
Чӣ мефаҳмеду чӣ хулоса мебароред, ин кори шахсии шумост. Аммо наход бемасъулиятиву беназоратӣ дар як гӯшаи Тоҷикистону сехи конфетбарорӣ ба ин поя бирасаду ташкилоту шахсони масъул ё бехабар бимонанд ва ё ба он ҳеҷ аҳамияте надиҳанд?! Ва ҳам куҷост ҳисси ватандӯстиву муҳаббат ба забони давлатӣ? Виҷдонам маро нагузошт дар баробари ин ҳама беэътиноӣ хомӯш бошам. Аз ин рӯ бо таълифи нома ба гӯшаи "Розу ниёз" коғази ин конфетро ҳам мефиристам ва ҷавоби онро интизор мешавам.
С. АМИНОВ,
ноҳияи Рӯдакӣ
Баёни ақида (0) Санаи нашр: 19.06.12 №: 79-80 Мутолиа карданд: 5156
