номаҳо
Амрҳои маъруф замонавӣ нестанд
Қариб дар ҳамаи масҷидҳои ҷомеи шаҳру ноҳияҳои кишвар намозҳои рӯзи ҷумъаро гузоридаам. Пеш аз оғози намоз шахсони масъули ин масҷидҳо амри маъруф менамуданд.
Ба истиснои масҷиди ҷомеи шаҳри Хуҷанд дар дигар масҷидҳо амрҳои маъруф замонавӣ набуданд. Амри маъруфи замонавӣ - яъне чӣ? Мавъизае, ки дархӯрди дарди имрӯзи ҷомеа бошад.
Аммо ҷойи таассуф аст, ки аксари мавъизаҳои онҳо такрор буда, ба қиссаҳо иртибот мегиранд. Яъне моҳияти масъала таҳлили илмӣ ва бо замон мутобиқ гардонида намешавад. Барои ҳусн ва таъсири сухан воизон пораҳои шеъриро истифода мекунанд, аммо чун вазн, илми арӯзу мантиқро намедонанд, ба ғалатҳо роҳ медиҳанд.
Умуман, имрӯз мавзӯъҳои зиёд ҳастанд, ки мусулмонон мехоҳанд, дар бораи онҳо маълумот дошта бошанд. Андешаи ин ҷониб дар мавриди интихоби муҳтавои мавъизаҳо он аст, ки Кумитаи оид ба корҳои дини назди Ҳукумати ҷумҳурӣ дар ҳамдастӣ бо Шӯрои уламои исломии кишвар мавзӯъҳоро дар шакли нақшаи корӣ ба масҷидҳои ҷомеъ пешниҳод созад. Ва ҳамзамон ё ба тадриҷ онҳоро бо адабиёт ва маълумоти зарурӣ таъмин кунад.
С. НУСРАТУЛЛОЕВ,
шаҳри Қурғонтеппа
Баёни ақида (0) Санаи нашр: 21.07.12 №: 95 Мутолиа карданд: 5159
