номаҳо
Шояд ба ин овоза бовар
кунам?
Гуфтанд, ки шиноснома ё худ паспорти фарзандамро нав кунам. Ин барои гирифтани шаҳодатномаи маълумоти миёнаи умумӣ зарур будааст. Нав кардан ба хотири чӣ? Ба хотири ба насаб илова намудани "ов" ва номи худ, яъне падар изофаи "вич"-и русӣ.
Дар шуъбаи шиносномадиҳӣ гуфтанд, ки ба зодгоҳам биравам ва ҳуҷҷатҳои заруриро барои нав кардани шиноснома биёрам. Барои ин вақти зиёд ва маблағи калон, албатта, нисбат ба маоше, ки мегирам, лозим буд. Хушбахтона, яке аз шиносҳоям маслиҳат дод, ки барои иҷрои ин кор ба зодгоҳ нараваму ба бойгонии ҷумҳурӣ муроҷиат намоям. Ҳамин тавр ҳам кардам. Яъне маблағи роҳкиро ва дигар харҷҳои иртибот ба он дошта сарфа шуд.
Шиносномаро гирифтаму як оҳи сабук кашидам. Чаро? Чунки аз ин корам ман 200 сомонӣ сарфа намудам.
Ман намефаҳмам чи нақша асту кӣ онро кашида ва барои чӣ бояд иҷро шавад. Масъала воқеан ҷиддӣ аст ва он танҳо ба ноҳияи мо иртибот надорад. Ин кор, бадбахтона, оммавӣ сурат мегирад. Овоза аст, ки оқибат ҳамаи мо ба ин шакли номгузорӣ мегузарем. Шояд ин овоза рост аст, магар боз рӯ ба қафо овардаем, масъалаи мазкур аз ҷониби масъулон ҷиддӣ баррасӣ намегардад?
С. НОДИРОВ,
ноҳияи Рӯдакӣ
Баёни ақида (0) Санаи нашр: 21.07.12 №: 95 Мутолиа карданд: 4947
