мулоқотҳо
Мулоқоти Эмомалӣ Раҳмон бо Дмитрий Мезентсев
16 декабр Президенти кишвар Эмомалӣ Раҳмон Дабири кулли Созмони ҳамкории Шанхай (СҲШ) Дмитрий Мезентсевро ба ҳузур пазируфт.
Дар мулоқот, асосан масоили омодагӣ ба ҳамоиши навбатии сарони давлатҳои аъзои Созмони ҳамкории Шанхай, ки соли 2014 дар Тоҷикистон баргузор хоҳад шуд, баррасӣ гардид.
Тавре ки зикр гашт, Тоҷикистон дар соли раёсати худ ба масоили таҳким ва густариши равобити бисёрҷонибаи кишварҳои аъзо ва нозири СҲШ аҳамияти хоса хоҳад дод.
Тазаккур дода шуд, ки дар соли раёсати Тоҷикистон дар СҲШ дар ҷумҳурии мо чорабиниҳои зиёд, аз ҷумла ҷаласаҳои шӯроҳои вазирони корҳои хориҷӣ ва роҳбарони дигар вазорату сохторҳои кишварҳои аъзои ин созмон, инчунин намоишгоҳҳои фарҳангӣ ва ғайра баргузор хоҳанд шуд.
Таваҷҷуҳи зиёд, ҳамчунин ба масоили баргузор намудани Форуми СҲШ ва таҳияи Стратегияи СҲШ барои солҳои 2020 - 2025 зоҳир гашт.
Баёни ақида (0) Санаи нашр: 19.12.13 №: 164 Мутолиа карданд: 2267
