logo

номаҳо

ҲОҶӢ НЕЪМАТ. РӮЗГОРЕ БАРОИ ИБРАТ

Дар зиндагӣ нафарони  некусиришт, заҳматкашу хайрхоҳ ҳамеша тафаккури моро ғанӣ, ақламонро солим, роҳамонро равшан мекунанд. Чунин ашхос бо хидматҳои содиқу арзанда, заҳматқаринӣ, дурандешию меҳнати ҳалоли пайваста дар ҷомеа  маъруфу соҳибэҳтиром  гаштаанд.
Ҳоҷӣ Неъмат Усмонов, раиси хоҷагии деҳқонии «Ватан» - и шаҳри Турсунзода, аз зумраи чунин мардони сарбаланду пухтакор аст, ки бо донишу малака, фаъолият ва меҳнатдӯстиаш дар саросари кишвар ва берун аз он соҳиби обрӯю эътибори баланд гаштааст. Бешубҳа, суханони пурҳикмати ӯ, умри бобаракату корҳои неки анҷомдодааш, тарбияи фарзандони солеҳ, ҳаёти пурфайзаш - ҳама худ панду андарз, намунаи ибрату нишонаи хидмат ва садоқат ба халқу Ватананд.
Алҳол таҷрибаи боғу токпарварии ин деҳқони асил қариб дар тамоми шаҳру ноҳияҳои мамлакат истифода мегардад. Меваҳои гуногуннавъу шаҳдбори ангурбоғи ӯ дастархони мардумро зеб мебахшанд.
Ҳоҷӣ Неъмат дар баробари боғдориву токпарварӣ дар корҳои ҷамъиятии шаҳр низ фаъол аст, аз ҳисоби даромади хоҷагӣ дар ободонии диёри худ ҳиссаи арзанда мегузорад. Мақоли халқ аст, ки агар шахсе як ҷойро обёрӣ кунад, инсони ҷаннатӣ маҳсуб меёбад. Ин деҳқони асил  соли 2015 дар деҳаи худ 60 гектар заминро обёрӣ карда, боғи нав бунёд кард. Аз худ кардану обёрӣ намудани заминҳои бекорхобида боиси он шуд, ки майдони кишт зиёд гардад, хоҷагиҳои нав таъсис ёбад ва ҳаҷми истеҳсоли маҳсулоти кишоварзӣ афзояд. Садҳо нафар сокини маҳал соҳиби рӯзгори обод ва ҷойи кор гардад.
Дар деҳаи Сомониён 5 километр роҳи маҳаллиро  пурра асфалтпӯш кард. Ният дорад, ки боз 1 километр роҳро таъмир намояд.
Ёрии ӯ ба қисмҳои ҳарбии шаҳри Турсунзода низ пайваста мерасад. Дар қисми ҳарбӣ дар масофаи 1 километр қубур насб намуда, оби ошомиданӣ овард. Барои аскарон 1 мошини ёрии таъҷилӣ туҳфа намуд. Ҳар сол ба қисмҳои ҳарбии  шаҳр  аз  меваҳои  шаҳдбори хоҷагӣ 1,5 - 2 тонна ангур тақсим мекунад. Ҳамчунин, дар рӯзҳои ид парваришгоҳҳои ятимон, беморони рӯҳӣ ва пиронсолони шаҳри Турсунзодаро бо ангури хушсифат таъмин месозад.
Ӯ ба ниҳолпарварӣ низ машғул аст. Дар ниҳолхонаи ӯ зиёда аз 100 намуди гулу бутта ва ниҳоли дарахтони гуногун парвариш карда мешаванд. Қисмҳои ҳарбии шаҳр аз хоҷагии мазкур ниҳоли арчаро ройгон  мегиранд.
Ҳоҷӣ Неъмат моҳи августи соли равон ташкилоти ҷамъиятии «Эҳсони Сомониён»  - ро ташкил кард. Ҳадаф аз таъсиси ин ташкилот кумак ба  одамоне  мебошад, ки яккаю танҳоанд, фарзанд ва хешу табор надоранд, синну солашон ба ҷое расидаву бесаробонанд. Ҳоло 42 нафар  ба ин гурӯҳ номнавис шудааст. Бо ташаббуси ҷамъияти мазкур як ошхона сохта шуд, ки ғайр аз рӯзи якшанбе, пиронсолонро нисфирӯзӣ бо 2 навъ хӯроки серғизо ройгон таъмин мекунад. Оянда боз ният дорад, ки маъюбонро бо аробаи маъюбӣ аз рӯи имкон таъмин карда, ба беморони вазнин дасти мадад расонад, барои шифоёбии онҳо саҳми худро гузорад. 
Ҳоҷӣ Неъмат Усмонов аз касбу пеша, зиндагии хубу осоишта, диёри ободу гул - гулшукуфон шукронаю ифтихори баланд дорад. Аз солҳои аввали ба ин кори пуршараф ва заҳматталаб - токпарварӣ оғоз намуданаш, ки касби меросӣ аз бобояш меномад, ёдоварӣ намуда, чунин мегӯяд:
- Аввало шукрона аз он мекунам, ки давлати обод, орому осуда ва Сарвари хирадманду ғамхор дорем. Ҳоло ҳамаи шароит муҳайёст, Ҳукумати мамлакат моро ҳамаҷониба дастгирӣ мекунад. Моро зарур аст, ки ҷавобан ба ғамхориҳои пайвастаи Сарвари давлат муҳтарам Эмомалӣ Раҳмон ба халқу Ватани худ содиқона хизмат кунем, дар сарсабзии диёр саҳм гузорем. Иқлим ва шароити Тоҷикистон барои истеҳсоли меваҳои шаҳдбори баландсифат мувофиқ аст, танҳо меҳнат кардан лозим. Ҷавононро ҳам бояд дар рӯҳияи меҳнатдӯстӣ, ватандӯстӣ, ташаббускорӣ ва хайрхоҳӣ тарбия намоем.
Бале, заҳмат кашидан, обод намудан ва некӣ кардан маънии рӯзгори ӯст.                                                  
Матлубаи АБДУҚАҲҲОР, «Ҷумҳурият»


Баёни ақида (0)    Санаи нашр: 28.10.2019    №: 202    Мутолиа карданд: 4641
31.01.2023


ДАВЛАТАЛӢ САИД ДАР ШАҲРИ КӮЛОБ

АЗ НИШАСТҲОИ МАТБУОТӢ

ВАО: “Теъдоди қурбониёни ҳамлаи террористи маргталаб дар Пешовар ба 72 нафар расид”

Ҷаҳон дар як сатр

ТАҶЛИЛИ БОШУКӮҲИ САДА ДАР ХАТЛОН

НАМОЯНДАИ ШИРКАТИ CNPC ДАР ХАТЛОН

ХАТЛОН. БАРДОШТИ ИХТИСОСӢ АЗ ҶАЛАСАИ НАЗОРАТӢ

СОЗМОНИ ҲАМКОРИИ ИҚТИСОДӢ. ТОҶИКИСТОН ДАР ТАҲКИМИ ФАЪОЛИЯТИ СОЗМОН НАҚШИ МУАССИР ДОРАД

27.01.2023


БМТ. ПАЁМ САРМАШҚИ ФАЪОЛИЯТ ХОҲАД БУД

25.01.2023


Вохӯрии вазирони корҳои хориҷии Тоҷикистон ва Ӯзбекистон

ТАЪСИСИ АВВАЛИН МАРКАЗИ ҒИЗОИ МАКТАБӢ

МУЛОҚОТ БО САФИРИ ҚАЗОҚИСТОН

23.01.2023


Ҷаҳон дар як сатр

14 май дар Туркия интихоботи президентӣ баргузор мешавад

«САЪБА»

17.01.2023


САМАРАНОКИИ ФАЪОЛИЯТ ВА ШАФФОФИЯТ

Мулоқоти Имангали Тасмагамбетов бо Сергей Поспелов

Игор Черевченко – сармураббии “Истиқлол”

16.01.2023


БОЗИҲОИ ОЛИМПӢ-2024

13.01.2023


ШАМЪИ ХОТИРА

11.01.2023


Муроҷиатномаи Раиси шаҳри Душанбе ба сокинони пойтахт

Санаи муҳорибаи аввалини Нурулло дар UFC аниқ шуд

ХОРУҒ. ҶАЛАСАИ ҶАМЪБАСТИ ФАЪОЛИЯТИ СОЛОНА

10.01.2023


БА АЗНАВБАҚАЙДГИРИИ СИМКОРТҲО МУҲЛАТИ КАМ МОНД

ҲИСОР. ДАР АРАФАИ СОЛИ НАВ 217 СОКИНИ ШАҲР СОҲИБИ ЗАМИН ШУД

ДБССТ. ҲАМКОРИҲОИ БАЙНАЛМИЛАЛӢ ВУ-СЪАТИ ТОЗА МЕГИРАНД

Пешниҳоди Александр Лукашенко

Ҷаҳон дар як сатр

ҶИУ-ҶИТСУ

Таҳкими ҳамкориҳои Тоҷикистон ва Ӯзбекистон

ТЕННИС

БОХТАР. ҒОЛИБОНИ ОЗМУНҲО ҚАДР ШУДАНД

ФАЙЗОБОД. ШАРҲУ ТАВЗЕҲИ ПАЁМ

09.01.2023


ХОРУҒ. БО ДАСТУРИ РУСТАМИ ЭМОМАЛӢ ДАР МАҲАЛЛАИ ТИРЧИД КӮДАКИСТОН СОХТА МЕШАВАД

03.01.2023


«ВЗЛЁТ ПЕРЕД ЗАКАТОМ»


Дар сомонаҳои дигари Тоҷикистон хонед